जापानको चिबा प्रिफेक्चर अन्तर्गत मात्सुदोमा सम्पन्न 2nd Subarashii Cup 2026 मा रोमाञ्चक प्रतिस्पर्धापछि Oizumi FC ले उपाधि जित्न सफल भएको छ। प्रतियोगितामा जापानभरिका ३२ टोली सहभागी भएका थिए, जहाँ प्रत्येक खेल उच्च प्रतिस्पर्धात्मक र रोमाञ्चक बनेको थियो।

फाइनलमा अन्तिम मिनेटको निर्णायक गोल

फाइनल खेलमा Oizumi FC र Kavreli Samaj बीच कडा प्रतिस्पर्धा भयो। दुवै टोलीले उत्कृष्ट रक्षात्मक तथा आक्रामक खेल प्रदर्शन गरे पनि खेलको अन्तिम मिनेटमा Oizumi FC ले गरेको एक मात्र गोल नै निर्णायक सावित भयो। सो गोलसँगै Oizumi FC ले १–० को जित निकाल्दै 2nd Subarashii Cup 2026 को उपाधि आफ्नो नाममा लेखायो।

अन्तिम क्षणमा भएको गोलले मैदानमा उपस्थित दर्शकहरूलाई उत्साहित बनाएको थियो भने खेलाडीहरूको खुसीले प्रतियोगिताको समापन अझ विशेष बनायो।

सेमिफाइनलका नतिजा

Oizumi FC ३–१ Karnali FC

Oizumi FC ले प्रभावशाली प्रदर्शन गर्दै Karnali FC लाई ३–१ ले पराजित गरी फाइनलमा आफ्नो स्थान सुरक्षित गरेको थियो।

Kavreli Samaj १–० Friends FC

अर्को सेमिफाइनलमा Kavreli Samaj ले अनुशासित र उत्कृष्ट खेल प्रदर्शन गर्दै Friends FC माथि १–० को जित निकालेर फाइनल यात्रा तय गरेको थियो।

आयोजक समितिका अनुसार 2nd Subarashii Cup 2026 सफलतापूर्वक सम्पन्न भएको छ। प्रतियोगिताभर खेलकुदमैत्री वातावरण, उत्कृष्ट व्यवस्थापन, निष्पक्ष प्रतिस्पर्धा तथा दर्शकहरूको उल्लेखनीय उपस्थितिले प्रतियोगितालाई अझ भव्य बनाएको थियो।

प्रतियोगितामा सहभागी टोलीहरूले उत्कृष्ट खेल भावना प्रदर्शन गरेका थिए भने दर्शकहरूले पनि अन्तिमसम्म रोमाञ्चक खेलको भरपुर आनन्द लिएका थिए। आयोजकले आगामी वर्ष अझ भव्य रूपमा प्रतियोगिता आयोजना गर्ने प्रतिबद्धता व्यक्त गरेका छन्।