Title Sponsor Smiles Mobile Remittance रहेको १०औँ Summer Cup 2026 Futsal Tournament भव्य, सभ्य र सौहार्दपूर्ण वातावरणमा सफलतापूर्वक सम्पन्न भएको छ। प्रतियोगितामा उत्साहपूर्वक सहभागी भई कार्यक्रमलाई सफल बनाउन महत्वपूर्ण योगदान पुर्‍याएका सम्पूर्ण टिम, खेलाडी, अफिसियल तथा समर्थकहरूलाई आयोजक समितिले हार्दिक धन्यवाद व्यक्त गरेको छ। प्रतियोगिता सञ्चालनका क्रममा कतै कमी–कमजोरी वा त्रुटि हुन गएको भए त्यसका लागि आयोजकले हृदयदेखि क्षमायाचना गर्दै आगामी संस्करणमा अझ व्यवस्थित, उत्कृष्ट र भव्य व्यवस्थापनसहित उपस्थित हुने प्रतिबद्धता व्यक्त गरेको छ। सहभागी तथा दर्शकहरूले प्रदान गरेका सल्लाह–सुझावलाई आत्मसात गर्दै प्रतियोगितालाई निरन्तर सुधार गर्दै लैजाने आयोजकको लक्ष्य रहेको छ।

यस वर्षको Summer Cup मा उत्कृष्ट प्रदर्शन गर्दै Space X FC ले उपाधि जित्न सफल भयो। फाइनल खेलमा देखाएको अनुशासन, एकता, आत्मविश्वास र खेलप्रतिको समर्पणले Space X लाई च्याम्पियन बनायो। विजेता टिमलाई थारू विद्यार्थी सभा जापानले हार्दिक बधाई व्यक्त गर्दै आगामी दिनका लागि शुभकामना दिएको छ। उपविजेता बनेको Shree Ganesh Khukuri FC ले पनि प्रतियोगिताभर उत्कृष्ट खेल प्रदर्शन गर्दै दर्शकहरूको मन जित्न सफल भयो।

व्यक्तिगत अवार्डतर्फ SG KFC का Amrit Tamu उत्कृष्ट खेलाडी घोषित भए भने Space X FC का Jhon Thapa Magar उत्कृष्ट गोलरक्षक बने। Space X FC कै Purna Magar उत्कृष्ट डिफेन्डर घोषित भए। SG KFC का Ashik Gurung तथा Iman Lama ले सर्वाधिक गोलकर्ता अवार्ड प्राप्त गरे। फाइनल खेलमा Space X FC का Sujan Khanal Man of the Match बने।

प्रतियोगितालाई सफल बनाउन प्रत्यक्ष तथा अप्रत्यक्ष रूपमा सहयोग गर्ने सम्पूर्ण व्यक्तिहरू—खेलाडी, समर्थक, सहयोगी, प्राविधिक टोली तथा शुभेच्छुकहरूलाई आयोजकले पुनः एकपटक हार्दिक आभार व्यक्त गरेको छ। Summer Cup को यो संस्करण अत्यन्त सफल र अविस्मरणीय बनेको आयोजकले जनाएको छ। आगामी ११औँ Summer Cup मा अझ धेरै सुधार, नयाँ ऊर्जा, उत्कृष्ट व्यवस्थापन तथा आकर्षक कार्यक्रमसहित उपस्थित हुने प्रतिबद्धता आयोजक समितिले व्यक्त गरेको छ।

---